GUDOONKA SARE EE MEHRA SOOMAALIYA IYO SULTAN CABDALLA SULTAN CIISE IYO MASUULIYIIN KALE OO MAHRA STATE YAMAN KASOO JEEDAY



Qoraa sare iyo  tifaftiraha sare ee alcarab
muxyadiin ciid



 UAE: Maalinimadii Jimcaha ee bishu aheyd 15/04/11, waxaa Shir iskugu yimid Abu Dabey, xubno ka mid ah Gudoonka Sare ee Mehra Soomaaliya iyo Masuuliyiin sare oo ka timid Mahra State, uuna horkacayay Suldaanka Guud ee Mehriga Sultan Cabdalla Sultan Ciise iyo Jeneraal Axmed Maxamed Axmed Qaxdaani.

 

Shirkan ayaa khadka Telefoonka waxaa uga qaybgalay gudoonka Mehra Soomaaliya ee ku kala nool USA, Canada, iyo UK, iyadoo dhinaca kalena ay khadka uga jireen Mehriga ku nool wadamada Khaliijka, Kenya iyo Yaman.

Fadhigan oo qayb ka ahaa kulamada iyo xiriirka waayadan danbe socday si la iskugu xiro dadyoga Mahra ee ku kalanool caalamka, loona mideeyn lahaa danaha iyo aragtida Mahra meel walba oo joogaanba.

 

 

Shirkan ayaa khadka Telefoonka waxaa uga qaybgalay gudoonka Mehra Soomaaliya ee ku kala nool USA, Canada, iyo UK, iyadoo dhinaca kalena ay khadka uga jireen Mehriga ku nool wadamada Khaliijka, Kenya iyo Yaman.

Fadhigan oo qayb ka ahaa kulamada iyo xiriirka waayadan danbe socday si la iskugu xiro dadyoga Mahra ee ku kalanool caalamka, loona mideeyn lahaa danaha iyo aragtida Mahra meel walba oo joogaanba.

Kulanka ayaa lagu furay aayado qur'aan ah, iyadoo kagadaalna bilaabmatay isbarashadii Xubnaha madasha fadhiday iyo kuwii khadka telfoonka kusoo hadlayay.

Waxaa furida hadalka lasiiyay Sultaan Cabdalla Sultan Ciise, asagoo khudbad aad u qiimo badan kasoo jeedshay Shirka, tanoo si gaar ah uu ula hadalayay Mehriga Soomaaliya, xusuusiyayna taariikhda uu kasoo gaaray aabihiis Sultan Ciise Bin Cali Bin Sacad, oo ahaa Suldaankii xukumijiray Saldanadii MEHRA IYO SOCATARA, taas oo uu ku tilmaamay in xiriir toos ah ka dhaxeeyay Mahriga Soomaaliya iyo ayaga.

Suldaan Cabdalla ayaa xubnaha Gudoonka sare ee Mahriga Soomaaliya uga mahadceshay dadaalada ay wadaan, gaar ahaana safarkii xubno gudiga ka mid ahi kal hore ku yimaadeen Mahra State, isagoo ku sheegay in ay aheyd talaabo taariikhi ah, albaabadana u furtay in xiriirka joogtada ah ee tan iyo maalintaas bilaabmay ay fure u ahaayeen.

Waxa uu ugu baaqay Suldaanku Mahra Soomaaliya in ay ka qaybqaataan horumarinta gobolkooda, asagoo yiri “Diyaar ayaan idiin nahay, gacmo furana waan idinku soo dhaweynaynaa, noo imaada kaalintiinana qaata”.

Suldaanka ayaa sidoo kale ka hadlay dhibaatada heysata dadka Soomaaliyeed ee ay jaarka yihiin, asagoo sheegay in uu mar walba u duceeyo dadka dhibaateysan ee Soomaaliya, waxa uuna ku amaanay Dowladooda Yamaneed sida ay u soo dhaweysay qaxootiga Soomaalida.

Jeneraal Qaxdaani oo Suldaanka hadalka uga danbeeyay ayaa xusay in uu ku raacsan yahay sida hadalka u dhigay Suldaanku iyo taariikhda uu xusayba, waxa uuna dhinaciisa ka sheegay in Gudoonka Sare ee Mehra uu ku jiray ragii kula kulmay Sanca kal hore, uuna ku farxay aragooda iyo barashadoodaba.

Waxa uu dhinaciisa ka sheegay in uu aragtida Mahra Soomaaliya gaarsiiyay masuuliyiin badan oo ku kala sugan wadamada Khaliijka, sida Cumaan, Qadar, UAE iyo Kuwaytba, isagoo xusay in qadka telfoonka ay soo galayaan,masuuliyiinta kala ah Safiirka Kenya Bin Shaquuq Mombaza, Muxaafitkii hore ee Mehra state Mohamed Bin Abdalla, oo kasoo galayay Oman, Salim Yasir oo Imaaratka kasoo galayay iyo Nacima Subayr oo Qatar, kasoo gashay.

Waxa uu sidoo kale xusay qulqulatooyinka Yaman hada ka jira, asagoo sheegay in jiritaanka iyo midnimada Yamaneed tahay asalka wax walbana, uuna yiri waxaan u rajeynayaa in ay kheyr ku dhamaadaan.

Xubnihii madasha fadhiyay oo ahaa kuwii soo qabanqaabiyay fadhigan ayaa hadalka qaatay, ayagoo uga mahadceshay Suldaanka iyo Jeneraalkaba kasoo qaybgalka shirkan.

Dr:Xassan Xaaji iyo Bashiir Xassan ayaa dhinacooda tilmaamay muhiimada ay leedahay isku xirnaanshaha dadyowga Mahra meel ay joogaanba, guulna ay u tahay in maanta Suldaankii guud ee Mahra ay wada fadhiyaan, asagoo tilmaamay in Xaaji Abuukar, uu ahaa ragii ugu danbeeyay ee la kulmay Sultan Ciise Bin Cali.

Shiikh Liibaan Axmed Cumar,oo isna goobta fadhiyay ayaa soo dhaweeyay hadalkii Suldaanka iyo kii Jeneraalkaba, qirayna in uu taariikh badan ka faa'ideystay masuuliyiintaas, waxa uuna ku baaqay in lajoogteeyo xiriirka.

Intaas kadib waxaa hadalka lagu soo wareejiyay Gudoonka sare ee Mehra qurbahana kasoo hadlayay, ayagoo go'aansaday in fariintooda iyo codkoodaba uu ku hadlo Ing: Saciid Dhafuuje, oo ka mid ah aqoonyahanka Mehra ee ku nool Canada.

Ing: Saciid Dhafuuje ayaa salaan qiima badan u gudbiyay Suldaan Cabdalla, Jeneraal Qaxdaani iyo masuuliyiintii kaleba, asagoo xusay in waxa isku keenay ay tahay dhiiga Mahrinimo ee ay wadaagaan, dhalashaduna ka weyn tahay wax walba, Inj: Siciid ayaa cadeeyay in xuduuda wadamada aan ku kala noolnahay ayan aheyn mid xadidi karta wada dhalashada iyo dhiiga isku kaaya keenay, mana jirto ayuu yiri Dhafuuje xayndaab aan ku kala oodnaandoono.

Waxa kale oo tilmaamay in ay hayaan taariikhda taxanaha aheyd Sultanada Mahra iyo dadkoodiiba, hadana diyaar u yihiin ka qayb qaadashada kaalin walba oo kaga banaan.

Waxaa erayo dhiirigalin iyo talobixin ahaa, iyana halkaas kasoo jeediyay ex-Minister Cali Xareed, Dr: Yaasiin Ciise, Ing: Cali Askar, Cunshur Iyo Cawaafe.

Xubnihii kale ee gudiga ayaa salaan iyo bogaadin ku xoojiyay kulanka, sida Maxamuud Dhafuuje, Shiikh Cali Shiikh Mursal, Cabdi Casiis Bacbac iyo Muxyadiin.

Gabagabadii kulanka ayaa la isla qaatay in talaabada ugu horeysaa noqoto shir degdeg ah oo la iclaamiyo, bal si loo dardargaliyo danaha qabyada ah.

Goobta shirka iyo xiliga ayaa waxa loo xilsaarey gudoonka Mahra Soomaaliya in ay soo qoondeeyaan, sida ugu dhaqsiyaha badanna usoo gudbiyaan.

Suldaan Cabdalla ayaa salaan iyo Duco kusoo xiray kulankii, asagoo si gaar ah ugu hambalyeey Bashiir Xassan iyo kaalintii uu ka qaatay in ay hawshani qabsoonto.

Xubnihii kale ee madasha fadhiyay ayaa waxaa ka mid ahaa Mudane Liibaan Xassan iyo ganacsade Idiris Cabdulaahi oo xaruntiisu tahay Nayroobi Kenya.

Intaas kagadaal ayaa waxaa bilaabmay xiriirka masuuliyiintii kasoo galayay khadka wadamada khaliijka, Yaman iyo Kenya, si loogu gudbiyo go'aamadii la isla meel dhigay, ayadoo la isal qaatay, waxana uu noqday kulankani kii ugu waxtarsanaa ee dhaca mudooyinkan.

Muxyadiin Ciid
alcarab1@yahoo.co.uk

 

waayaha iyo waqtiga ayaa wax xukuma, sawirkaan iyo  muuqaalkan  uu farshaxanka caanka ah, muwaadinka qaaliga ku ah qaranka somaaliyeed amiin amir  uu ku cabbiraayo ra,yigiisa  waxaan anigu shaqsi ahan aaminsanahay  inuu runta iyo xaqiiqada  u dhow yahay.

Akhriste  iyo saaxiibkeyga la xiriira bloggaan  wixii talo iyo tusaale ah welkom

Saado Cali: Hees Cusub- Garqaad Farmaajow

Saado Cali: Hees Cusub- Garqaad Farmaajow

JAALIYADDA REER GENT OO QADO SHAREED U SAMEEYAYA AMBASSADDOR CADDE IYO QUNSULKIISA GUUD CALI IBRAHIM

Jaaliyadda reer gent ee da lweynaabelgiem ayaa maanta qado sharafeed  ugu sameeyay  magaalada gent  safiirka dowladda ku meelgaarka u fadhiya eurbian union iyo dlka talyaaniga  nuur xasan xuseen  nuur cadde iyo qunsulka guud ee safaaradda somaalida ee brussel  cali ibraahin.

qado sharafeedkaas oo ay soo qaban qaabiyeen  qaarka mid jaaliyadda, kuwaasoo uu horkacaayaya  cali cumar nuur cali baashi oo ka mid jaaliyadda degan gent, iyadoo ay taageereen gacan aad u ballaaran ay siiyeen qaar ka mid  jaaliyadda.

martiqaad ooloosoo agaasimay si heer sare ah, waxaa ugu horreyntii  aayadaha  quraanka kariimka ah ku daahfuray Axmd Abshir Axmed  oo ka mid ardeyda wax ka barata  dugsiga quraanka kariimka ee al huda  ee ustaad macallin Axmed Macllin Muse Geemaale, intaa ka dib waxaa hadalkii qaatay odey xassan kaabeer,cali baashi, cabdi cad , ugaas cali abuukar o dhammaantood  ka warramay qaban qaabadii loo soo galay qado sharafeed, safiirka ku soo dhaweeyay  gent iyo guud ahaan belgiem, una ballanqaaday iney la shaqeyndoonaan safaaradda.

intaa ka dib waxaa hadalkii qaaty ambassadoor cadde oo ka warramay halka uu marayo dadaalka safaaradda, dhismihii safaaradda, iyo weliba isagoo xusay in  safaaradda ay si ku meelgaar ah hadda ugu sii shaqeyn doonto guri kiro ah inta l hagaajinaayo dhismihii  iyo dhulkii saaaraddii somalida  kulaheyd belgiem oo intii dalku burbursanaa  ay iska deganaayeen dad ajaanib ah, dowladda belgiemna ay kala hadleen sidii dhismahaa iyo gurigaaba loogu soo celin lahaa gacanta somaalida.

Ambassador cadde wuxuu  ka codsaday jaaliyadihii ka soo qeyb galay  qado sharafeedkaas iney guntiga dhiisha isaga dhigaan ,una diyaargaroobaan  iney gacmaha is qabsadaan, safaaraddana la shaqeeyaan.

wuxuu kusoo gaba gaboobay kulankaas  farxad iyo reyn , is gcan qaad jaaliyadda iyo ambassadoorka iyo qunsulkiisa guud.

wixii faahfaahin ah oo shirkaa ku saabsan  iyo sawiro dib baan ka keeneynaa.

waxaa soo diyaariyay

Abshir Axmed Maxamuud

khaalid190@gmail.com

 Ummadda somalida  waxaa ilaahey  ku hodmiyay  dhaqan iyo hiddo  ma guuraan ah, oo ay  hodon ku yihiin,Akhriste  nala daawada ciyaartaan

CESC FABREGAS OO KA BADBAADAY SHIL

Kabtanka kooxda Arsenal  Cesc Fabregas  ayaa ka badbaaday shil gaari oo uu ku galay meel u dhow xerada tababarka ee Naadigiisa Arsenal

23-sano jirkan u dhashay dalka Spain ayaa la tilmaamay in uu usoo deg degayey tababarka kooxda wuxuuna si xoowli ah u kaxeeynayey gaariga uu watay taas oo keentay in ay isku dhacaan gaarigiisa iyo gaari kale, inkastoo isku dhaca labada gaari aysan ka dhalan wax dhaawac ah, waxaana durbadiiba goobta uu shilku ka dhacay soo gaaray ciidamada Booliska.

Cesc Fabregas  ayaa la tilmaamay in uu xoogaa naxay laakin daqiiqadi kaddib xaaladiisu ay caadi ku soo noqotay, wuxuuna usii socdaalay xerada  tababarka ee

Naadigiisa.

Waxaan ka soo minguurinay Raadiyo muqdisho

Axmed Abshir  Axmed

Arrimaha sportiga ee blogga

HURDADA MAKEENI KARTAA CAATANIMO?

Dad aad u farabadan ayay dhibaato ku heysaa sidii ay isku caateyn lahaayeen oo ay isaga dhimi karaan hilibka culus ee saaran jirkooda, iyagoo inta badan isticmaala fitness,sport badan,qaar cuna daawooyin iyo si kasta oo ay ugu suurto geli karto in kiilooyin badan ka dhacaan, hadda waxaa la leeyahay  taasi waa fududaahay  waana adigoo hurda.

Khubaro Mareykan ah oo arrintaas aad usoo baaray waxey sheegeen dadka seexda wakhti ku filan  inay dhaqso u caatoowaan ama kiilooyin ay ka dhacaan ,warbixintaan waxaa qoray :International Journal of Obesity. Baaritaan lugu sameeyay in ka badan 500 oo qof oo ahaa dad culeyskoodu aad u sareeyay muddo 6 bilood ah ayaa lugu mashquulsanaa sida dadkan loo caatayn lahaa ,maalintii looma ogoleyn in ka badan 500calories maalintii oo dhan waxaa lagu qasbay in ey spoorti badan sameeyaan kana qeyb galaan meelaha looga hadlaayo dadka buurbuuran.
Baarayaasha waxey muddadaas darsayeen sida dadkaas jiifkoodu yahay ,iney seexdaan wakhti ku filan iyo  in hurdadoodu yartahay.
Waxaa u soo baxday raggaas khubarada in dadka hurdada ku filan seexda inay kiilooyin badan ka dhacaan ,marka la barbardhigo kuwa hurdadu ku yartahay habeenkuna soo kackaca.
<<Cuntada iyo sportigu waa muhiim,laakiin waxaa ka sii muhiimsan inaad jiifto muddo kugu filan!>> ayuu yiri mid kamid ah cilmi baarayaasha.
Hurdadaada oo yaraata jirkaada uma fiicna,haddii ay kugu badatana kaba sii daran .
Natiijadi ugu fiicnayd ee kasoo baxday baaritaankaas wuxuu noqday qaar kamid ah kaqeybgalayaashii oo seexday 7 ilaa 8saacadood ,waxey arrintaa faahfaahin u noqon kartaa in haddii aad seexato waqti kugu filan inay hormoonayaashaada  galeeyaan isla ekaansho,taana waxey keeni kartaa in kiilooyin kaa dhacaan.

Mareeykanka arrintaan muddo dheer ayeey caan ka aheed in badan oo reer mareykan ah waxay sii ogaayeen in hurdadu ay qeeb ka qaadan karto iscaataynta iyo dhimista kiilooyinka jirkaada saaran,inta aad jiifto jirkaada wuxuu gubayaa xayr,sida ku cad qiimeynta baaritaankaan caalamiga ah.

Inta aana qoraalkan soo afmeerin,akhriste waa arrin aad u farax galin karta malaayiinta qof ee la ildaran hilibka iyo kiilooyinka badan .Arrintaana waxey kuu sahlikartaa iney dadkaas u baaqdaan lacago aad u farabadan oo ay ku bixin jireen fitness,daawooyin iyo wax la mid ah taasoo natiijada kasoo bixi karto ay noqon karto wax la'aan,kalmadeyda ugu dambeeyso waa seexo hurdo kugu filan si kiilooyinka ku dhibayo ay kaaga dhacaan.

Waa Qalinkii:

Faduma Abshir Axmad

300 MAALMOOD IYO DOWLAD LA'AANTA BELGIEM

Dalka loo yaqaano Camboodiya  oo ku yaala aasiya, ayaa  ilaa hadda sita rikoorka  muddadii ugu badneyd  dal dowlad,laan kaasoo muddo 353 maalmood  dowladd la,aan ku sugnaa sanadihii 2003 ilaa 2004.

Belgiem oo ah dalweyne federaal ah ,una qeybsan vlaanderen oo ku hadla luqadda dutch, wallooniya oo ku hadla fransiiska,  qeyb ku hadasha  afka jarmalka  iyo magaalada Brussel  oo u dhexeysa , muranka badana uu ka taagan yahay ayaa  wixii ka danbeeyay doorashooyinkii  dhacay bishii juun 2010 aan ilaa hadda  yeelan wax dowlad ah.

siyaasiyiinta Bart De Wever,Elio Di Rupo,oo kala ah siyaasiyiintii ku kala guuleystay doorashooyinka,De Wever(=Vlaanderen),Di Rupo(=Walloniya)waxey taaganyihiin xadka 300 oo maalmood dowlad la'aan dowlada Belgiem.



Bart De Wever              Elio Di Rupo

 Faanoole fari kama qodna ayeey soomaalidu tiraahdaa isqabqabsiga,isafgaranwaaga Vlaanderen iyo Walloniya dhinaca hervormingka ,BHV,Brussel yeey raace??waxa loo yaqaano daryeelka bulshada(=Sociale zekerheid) ,intaas oo la isu geeyo,waxaa kasoo bixi karo in Belgium ay Cambodiya kala wareegto koobka dowlad la'aanta adduunka.

waxaa qorey
Abshir Axmad
Khaalid190@gmail.com

KA GANACSIGA HUBKA VLAANDEREN BELGIEM OO LABANLAABMAY

Dowlad gobaleedka vlaanderen ee dalka belgiem, ayaa waxay  ogolaansho siisay sannadkii aynu soo gudubnay in hubka vlaandereen loo dhoofiyo adduunka,marka la is barbardhigo sannadkii 2005 iyo kii aanu soo dhaafnay ee 2010, waxaa halkaa ka muuqdo iney 2jeer  labanlaabantay muddo shan sanno gudaheed, waxey arrintaa ku caddeyd warbixintii sannadlaha ee machadka nabadda ee vlaanderen.

Sannadkii 2010 wuxuu ahaa sannadkii ugu badnaa ee dowlad gobaleedka vlaanderenku bixiyaan ogolaanshaha dhoofinta iyo ka ganacsiga hubka  noocyadiisa kala duwan, kaasoo sida warbixintu sheegtay  loo kala dhoofiyay dalalka ku yaala bariga dhexe iyo marocco oo ku taala  waqooyi!ga afrika.

Baarlamaanka vlaanderen waxey arrintaas kasoo saareen warbixin ,waxeyna ku adkeeyeen hey'adaha  ku shaqada leh arrinkaas iney indhaha ku hayaan dalalka loo dirayo hubkaas iyo qaabka loo isticmaalo  hubkaas intaba.

waxaa soo diyaariyay
Abshir Axmed Maxamuud
khaalid190@gmail.com

FERNADO TORRES OO U HANJABAY KOOXDA MANCHESTER UNITED



Weeraryahanka  xulka  spain iyo kooxda chelsea Fernando Torres (foto)ayaa si cad ugu  hanjabay  kooxda  manchester united , wuxuuna uga digay iney niyaddooda ka saaraan, marna aysan haweysan semifinalka horyaalka reer yurub.



FERNANDO TORRES



waxaa sidaa lagu qoray  jariidada the sun oo kasoo baxda ingriiska oo soo bandhigtay wareysi aad u dheer oo ay torres la yeelatay.



"Waanu ognahay in kooxdeyda chelsea ay markii horeba ka adkeyt kooxda manchester united, iyadoo taa jirto ayaa haddana  waxaa kooxda kusii biiray aniga iyo David Luiz difaaca xulka reer brazil.

Xiddigaan da,da yar  ayaa 31 jannaayo  ee sannadkaanu aanu ku jirno ku biiray  kooxda chelsea, ilaa haddana wuxuu torres  u saftay 7 kulan, waxgool ahna uma dhalin, haddii aad is weydiineyso sababaha uu   xiddaa  torres gool u dhalin waayay ilaa hadda lama oga sababta.

Ahmed  Abshir Axmed

AMIN ARTS IYO SAWIR GACMEED XIISO LEH

farshaxanka Caanka ah ee Amin Arts  ayaa soo bandhigay  sawir gacmeed xiiso badan  oo ku cabbirayo ra,yigiisa , kaas uu uga hadlaayo  waxa xaqiiqada dhabta ah ee ay isku heystaan Sheekh Shariif  iyo Maxamed Dheere, waana  tan sheekadii dhexmartay kkkkkkkkkkkkk... AAAH AAAH AAH

MA MUTEYSTAY MUWAADIN KEDIYE MAAMUUSKA

Madaxweynaha jamhuuriyadda  somaliya, mudane shariif  Sheekh Axmed, ayaa guddoonsiiyaya  shahaado sharafeed  muwaadin Daahir Cabdullahi Kediye oo kaalin libaax oo ku dheehan tahay muwaadinimo,xilkasnimo, waddan jaceyl iyo ilaalinta summcadda magaca somalinimo.

Muwaadin kediye  oo door aad u ballaaran kasoo qaatay sidii loo sii deyn lahaa   lammaanihii  ingriiska ahaa ee  Paul iyo rachel chandler oo burcad badeed somaali ah  ay muddo  1 sano ku heysteen G/Dhexe gaar ahaan magaalada  xaradheere iyo weliba intii la shaqeysay  isaga oo gacanta weyn u fidisay.

Muwaadin daahir c.kediye oo ka mid jaaliyadda somalida ee ku nool carriga ingriiska magaalada london, wuxuu waqti badan u huray sidii qoyskaas  aan wax galabsan loo sii deyn lahaa  oo markale xorriyaddoda shaqsiyeed  u heli lahaayeen.

Qoyskaas waayeelka ah oo da,doodu u dhexeysay 56 ilaa 60jir oo aan muddada aan kor kusoo  xusay lagu heystay meelo ka mid carriga somaaliya, ayaa  muwaadin kediye iyo inta la mid qalbigooda gelgishay, dareenkooda kiciyay, ku kalifay iney u xusulduubaan,xoogooda iyo xeeladdoodana isugu geeyaan sidii mar looga soo furfuri  waayeeladaa gacmaha ka gardaran ee heysta.

Qurbajoogta somaalida  ee ku nool dalalka reer yurub, oo aanu deganahay wexey aad uga dhiidhiyeen arrintaas, iyagoo marna qaadan waayaysharaf dhaca  ay nimankaa burcad badeedka ah u  geysteen dilista  magaca somaalinimada ,iyadoo ay rajo xumo iyo niyad jab ku abuureen   carruurtii  iyo qoyskii  lammaanahaa waayeelka ah, maalin weliba ay weydiisanayaan lacag malaayiin dollar ah oo aysan awoodin  odeyga iyo xaaskiisa howlgabka, taasoo weji gabax iyo fadeexo ku noqotay  dadka ku abtirsada magaca la isku yiraahdo somaali.

mudane kediye,wuxuu arrinkaa u galay dadaal dheeraad ah,wuxuuna muujiyay xilkasnimo gaar ah, isagoo howlihiisii qof ahaaneed hakiyay, waxaa u cuntami weysay in qoyskii Paul iyo Rachel   isaga iyo inta damiirka leh  ay ka ag ooyaan, iyagoo  carruurihii ay dhaleen qoysaska somaalida ah  subaxdii  hortooda skool ku aadayaan, haddana aan ciddi wax yeeleen, taana waxey ku kalliftay  muwaadin kediye  uu naftiisa u biimeeyo oo joog iyo jiifba ka quusto, isagoo is biddaayay inuu kasoo jeedo deegaanadaa la leeyahay waa lagu heystaa waayeelka. wuxuu xiriir dhow iyo mid dheer la yeeshay odey dhaqameedyadii deegaankaa, siyaasiyiintii deegaanka,culumaa,udiinka  deegaanka , waxeyna taa u sahashay in lagu guuleysto dadaal dheer  oo qardajeex badan loo maray  iney xorriyaddoda dib u helaan labadaa  waayeel ee howlgabka.

waxaa xusid mudan inta aanan qalinkeyga  dhigin inaan sheego kaalintii mugga weyneyd ee uu qaataya Abwaan Cayaarjecel iyo kooxdiisa  Qeylodhaan dhiirigelintii, wacyigelintii iyo baroordiiqdii  ay ka geysteen  in la heystay qoyskaa waayeelada, laakiin taariikhda ayaa abaalmarin doonta kooxda qeylo dhaan.

Waxaan kusoo afjarayaa qormadeydaan aanan waqtiga badan siin jawaabta  su,aasha aan ku billaabay maqaalkaan haa waa muteystay muwaadin  kediye in lagu maamuuso shahaado sharafeedkan oo ah  sidii u difaacay soo celintii magaca  somalida oo 20kii sano ee lasoo dhaafay ka lushay geedaha dhaadheer iyo goobaha lagu qeybiyo ceebaalka .

Waxaa Qoray

Abshir Axmed Maxamuud

khaalid190@gmail.com

Dadka mareeykanka ah oo aan aqoonin waddankooda.

Qiimeyn la sameeyay ayaa sheegtay in 40% ay dadka mareykanka ah ku dhaceen imtixaankii shacbinimada (burgerschapstest)oo loogu talagalay in dadka shacabka lagu weydiiyo waxa dalkooda ka yaqaaniin waxaa arintaan lagu soo bandhigay wargeyska todobaadlaha ah ee Newsweek .Wargayska oo su aalo weydiiyay dad dhan 1000 qof ,29% dadkii la weydiiyay ma yaqaaniin madaxweyna ku xigeenka Maraykanka ee hadda .70%waxey faahfaahin waayeen dastuurka dalka maraykanka waxa uu yahay,40%dadkii la weydiiyay su'aalahaas waxey garan waayeen dagaalkii 2aad ee adduunka cidda ay dowlada maraykanka ay la dagaashay.

Faduma Abshir Axmad

27 miljoen oo qaxooti ah

In ka badan 27 miljoen oo qaxooti ah ayaa wadamadooda uga soo cararay dhibaatooyin dagaal iyo waxyeelooyinka dabiiciga ah oo waddamadooda haleelay ,kuwaasoo usoo kala firdhaday dacalada dunida.


Elisabeth Rasmusson



Muddo toban sano ah waa lambarkii ugu sareeyay sida ay sheegtey xoghayaha guud ee golaha qaxootiga Norway,Miss Elisabeth Rasmusson(foto).  

wakhtigaan la joogo kumanaan qaxooti oo reer Ivoriaan (Ivory Coast)ayaa noloshooda lasoo cararaya ayeey tiri Mrs. Rasmusson oo xanaaq badan ka muuqdo,taaso ka dambeysay shaqaaqooyinkii siyaasadeed ee Ivory Coast bishii December ee sanadkii lasoo dhaafay,ismaandhaafkaas oo ka dhashay doorashooyinkii ka dhacay dalkaas oo nin walba uu sheeganayo inuu isagu yahay madaxweynaha sharciga ah ee jira ,taasoo sababi karta dagaal sokeeye oo dhax mara taageerayaasha labada dhinac.

In ka badan 500.000 oo qof oo reer Ivory Coast ah ayaa naftooda kala soo cararay wadankoodii.


Inta u dhaxeysa 4,5 ilaa 5,2 miljoen oo reer Suudaan ah ayaa iyaguna dalkooda ka soo cararay degenaansho la'aan jirta darteed.40% oo qaxooti  ah waxey kasoo barakaceen wadamada Afrika ,dalalka bariga dhexe 3 jeer ayeey labalaabmeen qaxootigii kasoo carari jiray.





Dagaalada ka jiro dalalka Afganistan iyo Pakistanba waxey sababeen in 70% qaxooti reer Asia ah ay soo gabaadsadaan meelahay is leeyihiin waa nabad iyo weliba wadamada reer galbeedka .

Qiimeyntaan kuma jiraan kuwa kasoo baqacararaya xiligaan kacdoonada isbedeldoonka ah ee hareereeyay

wadamada carabta sida :Masar,Tunesia ,Libiya,Yemen,Suriya,Baxrein,iyo kuwa leys orankaro daah baa weli saaran.

Abshir Axmad Maxamuud
Khaalid190@gmail.com

Laacib Abidal oo qabo cudurka kansarka



Erc Abidal

 Cayaaryahanka caanka ah ee fransiiska ah Erik Abidal(foto) ayaa todobaadkii hore la qalay,markii dhakhaatiirtu ka heleen cudurka dilaaga ah ee kansarka beerka .Laacib Abidal oo 31 jir ah difaaca F.C Barcelona waxey naadigiisu cadeyeen in ciyaaryahankoodu qabo cudurkaas,wax faahfaahin dheeraad ah kama aysan bixin iyagoo dhowrayo noloshiisa khaaska ah iyo sirtiisa qof ahaaneed .
Xiligaan waxaa cad in laacib Abidal inuusan kooxdiisa uga qeybgali doonin tartamada ay la geli doonaan kooxaha kale.

Faduma iyo Axmad

Actor Hugh Grant oo loo la cararay cisbitaalka.



Actor Hugh Grant



Cabsi iyo naxdin badan ayaa ka jirtay guriga atooraha Ingriiska Hugh Grant (foto) oo  todobaadkii hore loola cararey cisbitaal ku yaalo galbeedka London.Atooro Hugh Grant wuxuu ahaa mid daciif ah, oo wareer badan qabo sida ay sheegteey jariiradada The Sun.50 jirka xiddiga caanka ee Hollywood wuu diiday in loo waco baabuurta gargaarka degdega ah ee cisbitaalka."marabo inaan wakhtiga ka lumiyo baabuurtaas oo dad iga daran gargaari karta "ayuu yiri Hugh .Wuxuu wacday Taxi ula cararay cisbitaalka,saacado kadib isagoo ay ka muuqato sabar badan ayaa loo gudbiyay qeybta degdega (Emergency Service).Dad meesha fadhiyay waxey atoore Hugh ku sheegeen inuu ahaa qof caadi ah, marna uuna muujin inuu yahay nin caan ah rabana inuu ka hor maro iyaga.Xoogaa kadibna waxaa atoore Hugh baaritaan kadib u laabtey gurigiisa mana cadda ,si fiicanna loo garanmaayo cudurka uu qabo actor Hugh Grant. 

    

Faduma Abshir

Shirkadaha moodooyinka oo Japan qalbifurnaan u muujiyay

Shirkadaha moodooyinka dharka  ayaa u muujiyay qalbifurnaan iyo taageero  sida ay uga xunyihiin dhibaatada dhulgariirka iyo daadadka ee ku habsaday dadka ree Japan waxayna u caddeeyeen in ey taageero hiil iyo hooba ah la garabtaaganyihiin .H&M oo ka mid ah shirkadaha moodooyinka ,waxey shaqaalaha reer Japan ku amartay iney qooysaskooda la qeybsadaan murugada iyo baadi goobka ,kuwa la la' yahay,
H&M waxey ururka bisha cas ee Japan ku wareejisay 100.000 oo dhar ah ,si loo gaarsiiyo dadkii ku waxyeeloobay.


Diane von Furstenberg



Mode Coach waxey ugu deeqday dadka reer Japan adduun dhan 2,5 miljoen euro.

Dukaanka caanka ah American forever21 wuxuu ku wareejiyay ururka bisha cas ee reer Japan wixii uu faa iiday malintii 18ka  maarso.                                                
Gap fashion wuxuu bixiyay 143.000 oo euro .Mode THEORY waxey dukaamadeeda caalamkoo dhan hor dhigtay karaatoon waaweyn oo ey dadka ugu baaqday iney dhar kusoo ridaan si loo gaarsiiyo dadka dhibaateysan.Naagta caanka ah ee modada sameeyso Diane Von Furstenburg(foto) waxey abuurtay barnaamish online ah oo dadka loogu yaboohayo,waxaana aad loogu rajo weyn yahay iney kasoo xaroon doonto milaayiin euro.

Faduma abshir axmed
tifaftiraha blogga

AMBASSADOOR CADDE OO LA KULMAY JAALIYADDA REER BELGIEM

Safiirka  dowladda ku meelgaar ah u fadhiya xarunta yurub,  islamarkaana  ah safiirka  dowladda ku meel gaar u fadhiya  dalka talyaaniga mudane Nuur Xasan Xuseen (NUUR CADDE) ayaa la kulmay   5 maarso  jaaliyadda somalida  ah ee ku nool dalweynaha  Belgiem , munaasabaddaas oo lagu  maamuusaya   daahfurka safaaradda somaalida ee brussels.

wuxuu ambassadoor Cadde kala hadlay  jaaliyadda uu la kulmay  baahida  ay dadka somaalida ah ee ku nool  dalka belgiem u qabaan furitaanka  safaaraddan, iyo weliba  adeega ay u fulinkarto safaaradda, isagoo ku booriyay odayaashii  iyo dhallinyaradii reer  belgiem  ee la kulmay  iney  gacan ka geystaan dhismaaha  iyo dib u yagleelidda safaaraddi soomaalida  oo muddo 20 sano  ah  aan wax adeega  u qaban ummadda ay metesho.

waxaa  iyagana  hadallo soo dhaweyn iyo ballan qaad isugu jira ka jeediyay  qaar ka mid  odayaashii iyo dhallinyaradii  reer belgiem ee shirka kasoo qeyb galay.





Jeneraal Axmed S.Dafle



Axmed Saleebaan Cabdalle(DAFLE) oo safiirka iyo qunsulka cusub u ballan qsaaday si iskaawax u qabso ah iney uga shaqeynayaa  dib u cusbooneysiinta  dhismaha safaaradda, waxaa kaloo  halkaa hadallo qiiro leh kasoo jeediyay  axmed Cigaal oo kamid odaayshii maagalada leuven ka yimid isagoo  ku dheeraaday  taariikhda safaaradda iyo wixii dhibaato soo maray, halkaana ka xusay  dadaalkii muwaadin Axmed Warsame Cumar Daad u  soo galay  daafaca  summacadda saafaradda, waxaakaloo  halkaa ka hadlay  odey Xasan kaabee oo ka socday  jaaliyadda  Verviers, shiraaye maxamuud cumar, C/raxiim Dheere  oo ka mid jaaliyaddi reer Gent.





Kulankaa wuxuu kusoo afjarmay  is marxabeysiin, soo dhaweyn furan  oo loo fidiyay safiirka  iyo qunsulka iyo weliba shaqaalaha ka howl geli doona safaaradda.

Waxaa soo diyaariyay



Abshir  Axmed  Maxamuud

                                                            Khaalid190@gmail.com